وزارت عدلیهٔ ایالات متحده اعلام کرده است که به همکاری ادارهٔ خدمات مهاجرت و شهروندی، خواستار لغو تابعیت ۴۰ نفر از کشورهای مختلف، از جمله دو افغان، گردیده است. این وزارتخانه بیان کرده که این افراد متهم به پنهان کردن حقایق مهم، جعل هویت و ارائه اطلاعات نادرست برای به دست آوردن شهروندی امریکا هستند.
به گفتهٔ وزارت عدلیه، این اقدام بخشی از تلاش‌های گسترده‌تر برای حفظ یکپارچگی سیستم مهاجرت و شهروندی امریکا می‌باشد. این افراد به دلیل تخلفات خود ممکن است با عواقب قانونی روبرو شوند و روند لغو تابعیت آنها در حال حاضر در مراحل قانونی قرار دارد.
وزارت عدلیهٔ امریکا تأکید کرده که این تصمیمات به منظور جلوگیری از سوءاستفاده از سیستم مهاجرتی کشور اتخاذ شده و نشان‌دهندهٔ عزم این وزارتخانه برای حفظ امنیت ملی و اعتبار شهروندی امریکاست.
منبع: VoA Dari
