مقامات امنیتی تاجیکستان از کشته شدن دو افغان خبر دادهاند که به گفته آنان در تلاش برای قاچاق مواد مخدر به این کشور بودند. تا کنون هیچ واکنشی از سوی مقامهای حکومت طالبان در این مورد منتشر نشده است.
در بیانیهای که کمیته دولتی امنیت ملی تاجیکستان منتشر کرده، آمده است که این قاچاقبران از باشندهگان ولسوالی امامصاحب ولایت کندز بوده و در جریان درگیری با مرزبانان تاجیک کشته شدهاند. این درگیری در منطقه مرزی فتحآباد در ناحیه جیحون تاجیکستان رخ داده است.
در این خبرنامه ذکر شده که از محل رویداد یک میل کلاشینکف، یک میل تفنگچه و ۱۷ کیلوگرام چرس به دست آمده و ضبط شده است. مقامات تاجیکستان اعلام کردهاند که در شش ماه نخست سال جاری، در نتیجه هفت درگیری مسلحانه با قاچاقبران از افغانستان، ۱۷ افغان کشته و ۶۰۱ کیلوگرام مواد مخدر ضبط شده است.
تاجیکستان که بیش از ۱۰۰۰ کیلومتر مرز مشترک با افغانستان دارد، به عنوان یکی از مسیرهای اصلی انتقال مواد مخدر از افغانستان به کشورهای دیگر، به ویژه روسیه، شناخته میشود.
منبع: Azadi Radio افغانستان
